Тұңғыш Президент күніне арналған жас тарихшылар мен олкетанушылардың сырттай облыстық форуымы өтті.

"Рухани жаңғыру"  бағдарламасының "Тарих мұрасы" кіші жобасын іске асыру аясында Тұңғыш Президент күніне арналған жас тарихшылар мен өлкетанушылардың сырттай облыстық форумының  аудандық кезенінен 1-орынға Басбатыр Расул иеленді,"Елбасына хат"  номинациясы бойынша облыстық кезеңінің 3-орын иегері 5-сынып оқушысын  Басбатыр Расулды құттықтаймыз!!!

Басбатыр Расул Ермекұлы 5 – сынып оқушысы.

Елбасына хат

Армансыз адам, қанатсыз құспен тең. Армандаған нәрсеңе жету үшін тыңбай талаптанып, ізденіп, мақсат қоя білу керек. Мен, Басбатыр Расул Ермекұлы  Жақсы ауданы,  Жақсы ауылы, Жақсы №1 орта мектебінің 5-сыныбында оқимын.

Құрметті Нұрсұлтан Әбішұлы! Мен сізді Елбасы ретінде құрметтеймін. Сіздің елімізге істеген барлық еңбегіңізге, ешқандай мұра тең емес. Сіз арқылы еліміз дүниежүзіне танымал болды. Қазақстан дамыған 50 мемлекеттің қатарына қосылды. Туған елімізді бұрынғыдай емес, қазір көп елдер танып, біліп, бүгінде келіп тамашалауда. Қазақ жерінің кең – байтақ жерін, әдемі де әсем табиғатын, Нұр-Сұлтан қаласының құшақ жаярлық келбетін, қазақ жерінің сырлы да бай тарихын, халқымыздың алуан түрлі салт – дәстүрін әрбір шетел азаматы көріп, таңғалуда.

Құрметті Елбасы! Мен де сіз секілді тынбай ізденіп, ерінбей еңбек еткім келеді. Қазіргі таңда дарынды балаларға арнап өзіңіз ашқан Назарбаев зияткерлік мектебіне оқуға түсу үшін, бар ынта-жігерім мен білімімді жетілдіру үстіндемін. Сіздің өмірбаяныңыз жайлы түсірілген фильмдерді көрген сайын, қиын да қызықты өміріңізден өзіме сабақ алуға тырысамын.

Бір аңғарғаным, сіздің басты ұстанымыңыз - еңбек, білім, өнер,талпыныс, жігер, төзімділікті жаныңызға серік етіпсіз. Сіз қазақ еліне шуағын шашқан күндейсіз. Себебі, тәуелсіздігін енді алған мемлекетке басшы болу оңай емес. Аяғына әлі тұрмаған жас сәбидей болып тұрған елімізді 30 жыл ішінде әлем танитын дәрежеге жеткіздіңіз. Мен сізден үлгі алып, биіктерге өрмелеп, елімнің күндей сәулесін шашқан тұлғасына айналғым келеді. Еліміз тыныш, жұртымыз аман. Мұның барлығы сіздің мықты стратегиялық саясатыңыздың арқасы. Менің де дәл сіздей көшбасшы болсам деген арманым бар. Қазіргі таңда біз сияқты енді өсіп келе жатқан өскелең ұрпақ, жастар үшін барлық жағдай жасалған. Атап  айтар болсақ, зәулім спорт сарайлары, әлемдік жоғары оқу орындарымен терезесі тең университеттер, ғаламтор жүйесіне қосылған кітапханалар - осының барлығы сіздің жасаған еңбегіңіз.

Нұрсұлтан ата, Қазақстан халқына жасаған игі істеріңіз болашақта көркейіп, алдыңғы қатардағы елдердің тізіміне ілініп,өскелең ұрпақ тыныштық пен молшылықта өмір сүріп, халықтың арман -мақсаты орындалады, келешек ұрпақ сеніміңізді ақтайды. Қазақстанда тұрып жатқан әрбір ұлт өкілінің татулығы мен сізге деген құрметі шексіз шығар деп ойлаймын. Сіз қазақ халқының мақтанышы, қамқоршысысыз. Өзімнің хатымды сізге деген зор алғысымды айтып аяқтағым келеді және де сізді болашақта бір көріп,жүздесу  менің үлкен арманым.