Алтын күз мерекесінің жоспары бойынша 1-4 сынып аралығында байқау өтті

«Күз ханшайымы» байқауынын жүрісі

Жүргізуші 1 : Шын сыналған жүйрікте мін болмайды,
Ақылы озық - біреуге күң болмайды!
Келіні дана болған қазағымның,
Ұлдары өзге елге құл болмайды!
Жүргізуші 2: Армысыздар ағайын, құрбы - құрдас!
Бармысыздар жанкүйер, әз - қауымдас!
Бүгінгі кеш әуенін біз бастайық
Сайыста көңілменен қол соғайық.
Жүргізуші 1: Біздерде ойын - сауық басталады,
Тамаша күй тартылып, ән салады.
Қошеметтеп, қол соғып отырайық
Ұмыттырар күн бойғы шаршағанды.
Құрметті ата-аналар,мектеп ұзтаздары және қонақтар! 

Жүргізуші 2: «Күз ханшайымы» байқауын ұсынамыз. 
Бірінші орында әділқазы алқасымен таныстырып өтейік! Ерлан Болатович Лаззат Байсеркеевна, Адеми Хамитбековна 
Жүргізуші 1: 
Әділқазы береді, 
Өздеріңе билікті. 
Өнерде кім жеңеді, 
Алады  сол сыйлықты

Жүргізуші 2 : 
Бірінші кезеңіміз «Менің ата тегім»
Ортаға қатысушы қыздарды шақырамыз
 
Жүргізуші 1: 
1-ші қатысушымыз  Төлеген Айым Аязқызы
2  -ші қатысушымыз  Бағдат Дариға Бақытқызы
3  -ші қатысушымыз  Ғабдолла Айару
4  -ші қатысушымыз Асылбекова Аяжан
5  -ші қатысушымыз Амантай Дамина
6- ші қатысушымыз Жұматай Нұрай
Қатысушылар өздерін кезекпен таныстырады.

Жүргізуші 2:
Сайыс десе жайнаймыз, 
Намысымызды қайраймыз. 
Тоты құстай құлпырып, 
Сандуғаштай сайраймыз дей келе
Сайысымыздын келесі кезеңі «Өз өнері» сайысына кезек береміз
Әр сайыскер кезек кезек шығып өз өнерін көрсетеді
Жүргізуші 1: 
Келесі кезеңіміз «Әсем біздің арулар»  кезеңі
Яғни аруларымыз Сән үлгісін көрсетеді.

Жүргізуші 2: 
Сайысымыздын 4 ші кезеңіне де келіп жеттік
Бұл кезең «Көңілді аспазшы» деп аталады
Қатысушылар туралған жемістерді өз қалаулары бойынша әсемдеп безендіріп әділ қазы алқаларына ұсынады.

Жүргізуші 1: 
Жеңіс пенен жеңілістен тұратын,
Өмір - күрес, жеткізе ме мұратың.
Жеңбедім, жеңілдім деп ренжімегін,
Қатысу да бір жеңіс, жан болсаң оны ұғатын
Дей келе, сөз кезегін әділ-қазыларға сайысты қорытындылауға береміз. 
1. «Күз ханшайымы» 
2. «Өнерлі ару» 
3. «Сәнқой ару»  
4. «Шебер ару»  
5. Шығармашыл  ару»
6. «Көрермен көзайымы»

Жүргізуші 2: 
 «Қош» дейміз, әлі талай сайыстар бар,
Өнерлерің шыңдала берсін, қалыспаңдар.
Көрермендер көбейсін күннен - күнге
Келе берсін қонақтар ғарыштан да - деп 
«Күз ханшайымы - 2022» сайысын аяқтаймыз. 
Қош сау болыңыздар!

Өткізген: Бозай.Б.С

Байходжаева Ж.Б